مصطفى شاهين للعلوم
اهلا بك فى موقع مصطفى شاهين للعلوم

مفاجأة: محتوى أسطوانات سلاح التلميذ والمعلم مجانا رسميا من موقعهم الإلكتروني

استعرض الموضوع السابق استعرض الموضوع التالي اذهب الى الأسفل

مفاجأة: محتوى أسطوانات سلاح التلميذ والمعلم مجانا رسميا من موقعهم الإلكتروني

مُساهمة من طرف salama_tv في الإثنين أبريل 15, 2013 11:21 am

مفاجأة: محتوى أسطوانات سلاح التلميذ والمعلم مجانا رسميا من موقعهم الإلكتروني

مفاجأة من العيار الثقيل ..



المحتوى الإلكتروني المصاحب لجميع كتب سلاح التلميذ والمعلم
مجاناً على مواقعهم الرسمية

http://www.selaheltelmeez.com
http://www.almoallem.com

الموقع بيقدم أربع عناصر هامة:
1- كليبات تعليمية.
2- بنك أسئلة.
3- اختبر نفسك.
4- اختبارات كاملة بإجاباتها النموذجية.

تعالوا ناخد جولة في الموقع

لما تدخل على الموقع حتلاقي الشاشة الرئيسية دي:



ولو دخلت على أي عام دراسي زي الصف السادس الابتدائي تظهر لك أيقونات لكل كتب سلاح التلميذ الخاصة بهذا العام:



لو عاوز مادة زي العلوم
اضغط على غلاف الكتاب الخاص بها ليظهر لك فهرس المنهج والمكون من وحدات كل وحدة تتفرع منها دروس:



نقي الدرس اللي على مزاجك ..

ولو عاوز تراجع على وحدة معينة اختار الدرس الأخير في الوحدة واللي اسمه "مراجعة عامة على الوحدة كذا"

ولو عاوز تراجع على المنهج كله اختار آخر درس في الفهرس واللي اسمه "مراجعة عامة"

وأيا كان المستوى اللي إنت داخل منه (درس أو وحدة أو منهج)
الموقع بيقدم لك أربع عناصر رئيسية
والصفحة دي بتقولك طبيعة كل عنصر إيه



تعالوا نشوف كل عنصر من دول فيه إيه ..

أولاً: الكليبات التعليمية
كلها فيها شرح وتعليق المدرسين اللي هما نفسهم مؤلفي كتب سلاح التلميذ والمعلم
وبصوتهم

وجدنا في الموقع أربع أنواع من الكليبات

النوع الأول: الرسوم المتحركة
وهي كليبات رسوم متحركة ثنائية الأبعاد
2D Animation يعني
تشرح بالكارتون المبسط أهم أجزاء المنهج

الكليبات مركزة ومختصرة ..
على سبيل المثال الكليب في الصورة الموضحة أدناه طوله حوالي 3 دقائق



كمان مع كل كليب ح تلاقي كل الأسئلة الموجودة في بنك الأسئلة واللي إجابتها مشروحة في الكليب نفسه
بحيث تقدر تقيم هل استوعبت الشرح
ولا محتاج تتفرج على الكليب مرة تانية

معظم كليبات الموقع مصنوعة بطريقة الفيديو فائق الوضوح 720p HD
لو عندك نت سريعة خليك حريص على مشاهدة الفيديوهات بهذه الجودة الرائعة
وكمان خلي الصورة بكامل الشاشة Full Screen تاخد حاجة أنضف من التليفزيون



لو النت عندك على قد الحال يبقى كفاية دقة 480p أو 360p
دقة 240p ح تبقى وحشة قوي بس سريعة

النوع الثاني: الفيديو كليب

كليبات متصورة بالكامير ومعاها صوت المدرس للشرح

يعني على سبيل المثال
تلاقي كليب بيشرح التغيرات الكيميائية المصاحبة لعملية احتراق السكر



النوع الثالث: كليبات السبورة الذكية Smart Board

ومركزين في النوع ده على حل مسائل الرياضيات
وحتلاقي مؤلف كتب الرياضة بيشرح بنفسه إزاي المسائل تنحل



وكمان التدريبات النحوية الموجود في كل كتب العربي
حتلاقوها محلولة بالصوت والصورة
مع شرح للقواعد النحوية المستخدمة في حل أسئلة كل قطعة



وهكذا مع أي تدريبات فيها مسائل زي منهج الفيزياء في المرحلة الثانوية مثلاً



النوع الرابع: كليبات الفلاش التفاعلية

وتطلب منك التفاعل بالماوس لعمل تدريبات بإيدك تساعدك على فهم نظرية معينة



ده عن الكليبات التعليمية بأنواعها الأربعة

العنصر الثاني الذي يقدمه الموقع هو

ثانياً .. بنك الأسئلة

وحتلاقي فيه عدد ضخم جدا من الأسئلة على كل أجزاء المنهج وكلها مجاب عنها إجابة نموذجية

الأول بيظهر السؤال
ولو عاوز تشوف الحل .. اضغط على كلمة الإجابة
ولو عاوز الإجابة دايما ظاهرة
اعمل صح Check أمام كلمة (الإجابة)



العنصر الثالث اللي بيقدمه الموقع هو:

ثالثاً .. اختبر نفسك

على حسب إنت داخل منين
درس ولا وحدة ولا منهج
لو داخل على درس حيجيلك اختبار به 10 أسئلة بشكل عشوائي على هذا الدرس
لو داخل على وحدة حيجيلك اختبار به 20 سؤال بشكل عشوائي على هذه الوحدة
لو داخل على المنهج كله حيجيلك اختبار به 30 سؤال بشكل عشوائي على المنهج كله

كل سؤال له مجموعة من الاختيارات
وعليك تختار الإجابة الصحيحة



سواء أكانت إجابتك صح أو خطأ
حتروح على السؤال التالي
وهكذا إلى أن تتم الأسئلة

في نهاية الأسئلة
بتعرف درجتك
والموقع بيعرض لك كل الأسئلة التي وردت في الاختبارمجمعين
ويوضح لك فين إجابتك الصح (باللون الأخضر)
وفين إجابتك الغلط (باللون الأحمر) ..
والصح بتاعها فين (باللون الأخضر)



العنصر الأخير الل بيقدمه الموقع هو

رابعاً .. الاختبارات الكاملة

وكلها لها إجابات نموذجية



بس لاحظ حاجتين:

أولاً: إن الاختبارات الكاملة بتكون إما على مستوى الوحدة
أو على مستوى المنهج ككل
لا توجد اختبارات كاملة على مستوى الدرس

ثانياً: الاختبار يعرض أمامك أولا وإجابات كل الأسئلة مختفية
بيدك فرصة تحاول تحل إنت الأول
عاوز تتأكد من إجابتك
اضغط على كلمة الإجابة المصاحبة لكل سؤال في الاختبار



* * *

الموقع مجاني تماماً

بس مطلوب منك حاجتين

الأولى
إنك تسجل في الموقع ببريدك الإلكتروني والموقع ح يبعت لك كلمة السر عليه

التانية
تضيف أي كتاب لمكتبتك عن طريق الإجابة على سؤال عبيط
ح يسألك عن كلمة معينة في سطر من صفحة في الكتاب
وحيقولك على أول حرف منها

دول ثلاث فيديوهات للمساعدة:

الأول بيشرح إزاي تعمل لنفسك بريد إلكتروني لو مش عندك ..

http://www.youtube.com/watch?v=aq9R8qePVSc

الثاني بيشرح إزاي تعمل اشتراك مجاني في الموقع ..

http://www.youtube.com/watch?v=a-9E4VVeq_A

الثالث بيشرح إزاي تضيف كتاب لمكتبتك علشان يبقى عندك المادة الإلكترونية كاملة مش مجرد وحدة من المنهج على سبيل العينة

http://www.youtube.com/watch?v=to6rc7jtiB0

* * *

وأخيراً ..
عاملين صفحة رسمية على الفيسبوك لسلسلة كتب سلاح التلميذ عليها كل التحديثات وده عنوانها
www.facebook.com/SelahEltelmeez

وعاملين صفحة رسمية على الفيسبوك لسلسلة كتب المعلم عليها كل التحديثات وده عنوانها:
www.facebook.com/almo3llem

آسف للإطالة بس الموقع يستاهل
منقول للفائدة

salama_tv
عضو جديد
عضو جديد

عدد المساهمات : 2
تاريخ التسجيل : 15/04/2013

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى